Noticias

  • El Centru Asturianu de México avera a mozos descendientes d'asturianos a la Universidá d'Uviéu

    19 de Xunetu 2012

    La visita forma parte del programa cultural y educativo "Asina ye Asturies"

    El grupu d'alumnos méxicanos, descendientes d'emigrantes asturianos, nel patiu del Edificiu Históricu

    Un total de 28 estudiantes d'educación secundaria mexicanos, descendientes d'emigrantes del Principáu d'Asturies, visitaron l'Edificiu Históricu de la Universidá d'Uviéu nel marcu del programa "Asina ye Asturies", por aciu el cual el Centru Asturianu de México dexa cada añu, dende 1997, que mozos mexicanos conozan de cerca les instituciones más emblemátiques de la rexón.

    Los estudiantes, acompañaos del presidente de la Comisión de Cultura de dichu Centru, Aurelio González, y de dos monitor, fueron recibíos por Leticia Santos Vijande, directora de la Oficina de Internacionalización de la Universidá d'Uviéu, quien-yos fixo partes del proyectu educativu de la institución asturiana.

    L'oxetivu d'esti viaxe a Asturies ye que los mozos conozan la rexón cultural y real, alloñada de les visiones puramente tradicionales, que güei cunta con una proyección europea d'excelencia. Amás de la Universidá, la espedición visitó'l Parlamentu asturianu, museos como l'Arqueolóxicu, el Belles Artes y l'Etnográficu de Grandas de Salime, ente otros, según distintos conceyos de la rexón.

    Precisamente nel Centru Asturianu de México puede visitase anguaño una esposición con fotografíes y documentos de la Universidá d'Uviéu.

    Imaxes:


Buscar