Noticias

  • El CEI peracaba una nueva convocatoria de movilidaes d'excelencia pa docentes

    19 de Payares 2012

    Les estancies nes 200 meyores universidaes del mundu han de realizase antes de rematar el cursu 2012-13

    El Campus d'Excelencia Internacional peracaba una nueva convocatoria, la tercera n'anguaño 2012, de les sos ayudes a la movilidá d'excelencia pa docentes ya investigadores de la Universidá d'Uviéu.

    Nes próximes selmanes el CEI va faer públiques les bases de la convocatoria por que el profesores de la universidá asturiana puedan pasar hasta 3 meses en dalguna de les 200 meyores universidaes del mundu reconocíes pol Academic Ranking of World Universities (ARWU). Los comenenciudos n'allegar a les ayudes d'esta nueva convocatoria van haber de viaxar al centru de destín primero qu'acabe el cursu 2012-13.

    La convocatoria tien como oxetivu que los miembros del PDI (Personal Docente ya Investigador) de la institución académica asturiana amplíen la so conocencia alrodiu d'otros sistemes universitarios, otres metodoloxíes docentes y otres estructures de xestión n'universidaes internacionales de prestíu.

    Tamién quier facilitase la busca de nuevos socios pa proyectos y redes internacionales de cooperación académica y contribuya a la meyora del ésitu nes solicitúes de proyectos nes convocatories de pro-gramas internacionales de docencia y cooperación. Coles mesmes, preténdese que el investigadores establezan contactos con centros ya institutos d'investigación de prestíu internacional pa sumase a proyectos multillaterales y redes d'investigación y tresferencia de conocencia.


Buscar