Noticias

  • El Campus d'Escelencia Internacional de la Universidá d'Uviéu se presenta en Facebook

    18 de Marzu 2011

    La páxina CEI Universidá d'Uviéu ta operativa dende'l vienres 18 de marzu de 2011

    Páxina CEI de la Universidá d'Uviéu en Facebook
    El Campus d'Escelencia Internacional de la Universidá d'Uviéu dispon yá d'una páxina na rede social Facebook. El CEI ufierta asina una nueva canal de comunicación pa tolos sos miembros col que pretende facilitar la cooperación, l'intercambiu d'información y l'espardimientu de los llogros alcanzaos dientro del proyectu Ad Futurum.
    CEI Universidá d'Uviéu va ufiertar a los sos usuarios un fluxu constante d'información útil relativa a noticies, convocatories y eventos de tolos organismos que conformen el Campus d'Excelencia.
    La iniciativa, que ta xestionada pol Vicerrectorado del Campus d'Excelencia Internacional en collaboración col Vicerrectorado d'Informática y Comunicaciones, constitúi un recursu innovador que se suma a los yá esistentes, como la páxina cei.uniovi.es, la canal "Ad Futurum" nel portal YouTube o la mesma web institucional de la Universidá d'Uviéu, pa fomentar tantu la divulgación científica y técnica como la vinculación activa de la institución a la sociedá al traviés de les nueves tecnoloxíes.

Buscar