Noticias

  • La Área de Deporte y Salú estrena páxina web

    21 de Marzu 2012

    Recueye toles actividaes del Serviciu de Deportes, l'actualidá de les distintes competiciones y pautes d'exerciciu físicu saludable.

    Páxina d'entamu de la web de la Área de Deporte y Salú.

    La Área de Deporte y Salú del Vicerrectorado d'Estensión Universitaria, Cultura y Deportes cunta con web propia: deportes.uniovi.es. Un portal d'internet que foi desenvueltu pel Centru d'Innovación (C1NN), pa dar cabida a la multiplicidá de conteníos xeneraos en redol a les actividaes deportives universitaries.

    La web arrexunta tou lo rellacionao col deporte universitario: les instalaciones, les actividaes deportives, modalidaes reglaes nes que la Universidá participa, actualidá de les competiciones, programes d'altu nivel; tamién s'atiende a tou lo rellacionao cola práctica deportiva como manera de vida saludable.

    Les resultancies de les distintes competiciones tienen un especial protagonismu. La web va dir cuntando cada vez con más conteníos, como mayores detalles sobre los distintos equipos universitarios y vídeos de les pruebes y alcuentros nos que tomen parte. L'apartáu dedicáu a la salú tamién se va dir arriqueciendo con más encamientos p'aprovechar los beneficios de la práctica del exerciciu físicu.

    Los vídeos de les competiciones, actividaes y actos institucionales relevantes tán agospiaos na canal de YouTube de la Área, que tamién caltien una destacada presencia na so páxina de la rede social Facebook.

    Imaxes:


Buscar