Noticias

  • Dos galardones pa la Universidá d'Uviéu nos Premios Nacionales d'Edición Universitaria

    28 de Setiembre 2011

    Premiu a la meyor Monografía nes árees de Ciencies de la Salú y Premiu a la meyor coedición con una editorial universitaria.

    La Universidá d'Uviéu llogró dos galardones na XIV convocatoria de los Premios Nacionales d'Edición Universitaria fallaos apocayá en Madrid.

    Al certame de los diez meyores llibros editaos poles universidaes españoles en 2010 optaben 104 títulos y l'Universidá d'Uviéu recibió'l premiu a la meyor Monografía nes árees de Ciencies de la Salú y el premiu a la meyor coedición con una editorial universitaria, en concretu pola coedición d'una obra col CSIC.

    La monografía del primer galardón citáu titúlase Hestoria de les enfermedaes infeicioses. El xuráu destacó "el so interés social al rellacionar una tema médica de gran trescendencia coles sociedaes y el momentu históricu nel que se desenvuelve". Resaltóse "especialmente, la riqueza documental frutu d'un llargu y fondu trabayu d'investigación histórica".

    El premiu a la meyor coedición titúlase Fuentes pal estudiu de la música popular asturiana, que, según el xuráu, supon un esfuerzu de recuperación y escoyeta d'una cultura musical llamada a escastase". Valoróse'l "fondu trabayu d'investigación y la riqueza documental qu'apurre la obra, según la calidá de la edición".


Buscar