Noticias

  • Dos estudiantes de la Universidá d'Uviéu, ente el campeones del mundu d'h.oquei sobre patinos

    04 de Ochobre 2016

    Sara González concluyó'l Grau en Medicina y María Díez cursa estudios de Pedagoxía na institución académica asturiana.La Universidá quier tresmitir a dambes xugadores la so felicitación pol trunfu de la selección española nel mundial de Chile

    Sara González (izquierda) y María Díez.
    Dos estudiantes de la Universidá d'Uviéu formen parte de la selección d'h.oquei sobre patinos que dio la victoria a España nel campeonatu mundial d'esta disciplina deportiva celebráu apocayá en Chile. Les alumnes de la institución académica asturiana qu'integren el combináu español son Sara González Lolo y María Díez Busqué.
     
    La xixonesa Sara González, xugadora del Hostelcur Xixón H.C, cursó'l Grau de Medicina na Universidá d'Uviéu y anguaño prepárase pa empecipiar la formación como médica residente (MIR). La so compañera, la barcelonesa María Díez, milita nel mesmu club y estudia Pedagoxía na institución d'enseñanza cimera asturiana. Dase la circunstancia de que María Díez llogró'l gol de la victoria nel tiempu de prórroga na final del mundial ente España y Portugal.
     
    La Universidá d'Uviéu quier tresmitir a dambes xugadores la so felicitación pola so contribución al trunfu de la selección española nel mundial de Chile.    
     

Buscar