Noticias

  • Dos estudiantes de doctoráu ganen los premios del sestu Concursu Lliterariu Universidá d'Uviéu

    28 de Xunetu 2016

    Alejandro Prada Vázquez, con ‘Venus ye prominente', y Sara Alonso Palicio, con ‘Los cuerpos del to nome', llogren los galardones nes modalidaes de relatu curtiu y poesía, respectivamente

    Alejandro Prada Vázquez y Sara Alonso Palicio.
    Los estudiantes de doctoráu Alejandro Prada Vázquez, con Venus ye prominente, y Sara Alonso Palicio, con Los cuerpos del to nome, resultaron ganadores del sestu Concursu Lliterariu Universidá d'Uviéu nes modalidaes de relatu curtiu y poesía, respectivamente. El vicerrector d'Estensión Universitaria y Proyección Internacional, Francisco José Borge López, foi l'encargáu de dar a conocer la decisión del xuráu. Cada unu de los galardonaos va recibir un premiu en metálicu de mil euro.
     
    Alejandro Prada Vázquez, nacíu n'Uviéu en 1987, ta realizando'l doctoráu n'Hestoria del Arte. Venus ye prominente nun ye la so primer incursión lliteraria yá que en febreru de 2015 tamién foi galardonáu nel certame de mozos creadores del Conceyu de Salamanca. La obra agora premiada pola Universidá d'Uviéu ye resultáu d'un trabayu qu'empezó a finales de 2015 y terminó en marzu d'anguaño y del que, según el so autor, resulta difícil definir la so llínea argumental. "La temática ye variada. Enceta fundamentalmente temes como la muerte, la enfermedá", comenta.
     
    La otra autora premiada tampoco s'estrena nel mundu de la lliteratura. Sara Alonso Palicio, nacida en La Felguera en 1991, llogró l'Asturies Nuevu de poesía'l pasáu añu. Como Alejandro Prada Vázquez, tamién ta cursando'l doctoráu, nel so casu, sobre lliteratura, llinguaxe y comunicación. Los cuerpos del to nome, el poemariu premiáu, allóñase abondo de la temática de los sos trabayos previos. "Hai un pocu de too, pero ye fundamentalmente un poemariu amorosu, distintu a lo que venía escribiendo", destaca. Sara Alonso Palicio terminar xusto a tiempu pa presentalo a concursu.
     
    El xuráu de los premios tuvo integráu por Francisco José Borge López, Vicerrector d'Estensión Universitaria y Proyección Internacional, qu'actuó como presidente; y por María Álvarez Fernández, directora d'Área d'Estensión Universitaria; Ana Vanessa Gutiérrez, escritora, y Leopoldo  Sánchez Torre y Aurelio González Ovies, profesores de la Universidá d'Uviéu, qu'exercieron como vocales. 

Buscar