Noticias

  • Diana Sorensen, decana d'Artes y Humanidaes de la Universidá de Harvard, pronuncia la conferencia inaugural de los cursos de branu

    05 de Xunu 2012

    El Rector preside l'actu d'inauguración de l'actividá braniza, qu'inclúi más de 80 cursos

    La Universidá d'Uviéu celebra la inauguración de los cursos de branu (miércoles, 6 de xunu, 19:30 hores) nel Paraninfu de LAUDEO, Centru Cultural d'Estensión Universitaria (Edificiu Históricu). L'actu, que va tar presidíu por Vicente Gotor Santamaría, rector de la Universidá, va cuntar cola participación de la decana d'Artes y Humanidaes de la Universidá de Harvard, Diana Sorensen, quien va pronunciar la conferencia Les Humanidaes na universidá y na sociedá americanes.

    El pasáu llunes empecipióse l'actividá braniza de la Universidá d'Uviéu, con daqué más de 80 cursos de branu que se van impartir en dolce sedes partíes pola xeografía asturiana. Los cursos contemplen una variada temática en toles cañes de conocencia, y enceten cuestiones d'economía, demografía, mediu ambiente, lliteratura, cine, salú, inxeniería, informática, xurisprudencia o deporte.

    Una ventena de programes yá escosaron les sos places pero queden entá vacantes nel restu. La matrícula va permanecer abierta hasta unos díes antes del entamu de cada cursu, siempres que nun tean les places completes.


Buscar