Noticias

  • Cuatro estudiantes van representar a la Universidá d'Uviéu na VI Lliga d'Alderique Interuniversitario del G-9

    22 de Marzu 2014

    L'equipu ganador ta compuestu por alumnos d'inxeniería, comerciu y llingua española, y va participar na fase nacional los díes 2 y 4 d'abril nel País Vascu

    Equipu ganador de la Lliga d'Alderique de la Universidá d'Uviéu, mientres la so intervención

    Cuatro estudiantes de distintes titulaciones van representar a la Universidá d'Uviéu na VI Lliga d'Alderique Interuniversitario del G-9, que se va celebrar na Universidá del País Vascu ente los díes 2 y 4 d'abril. Dos equipos apostaron mientres la mañana del sábadu la fase rexonal d'esta iniciativa na Aula Magna de LAUDEO Centru Cultural d'Estensión Universitaria, centrada nesta edición na tema "¿Ye posible caltener l'estáu del bienestar na Unión Europea?"

    L'equipu ganador de la III Lliga d'Alderique de la Universidá d'Uviéu ta integráu por Ángel López Medina, estudiante del Grau n'Inxeniería Informática; Adrián Santos Menéndez (Grau n'Inxeniería Electrónica), David Vega Hernández (Grau en Comerciu y Marketing) y Óscar Barro González (Grau en Llingua Española y les sos Lliteratures). Los estudiantes asturianos van competir colos equipos d'otres universidaes del Grupu G9.

    La Lliga d'Alderique tien como oxetivu fomentar ente los estudiantes universitarios el diálogu públicu y la confrontación d'idees como exerciciu de convivencia, según el desenvolvimientu de les habilidaes personales de busca de la información, analís, espresión oral, aptitú d'escucha, trabayu n'equipu y rapidez de retruque.

    Estes iniciatives gocien d'una llarga y prestixosa tradición nes universidaes anglosaxones (tamién na enseñanza secundaria). A partir d'esta esperiencia, les universidaes del G9, grupu del que forma parte la Universidá d'Uviéu, punxeron en marcha la Lliga d'Alderique Interuniversitario. La institución académica asturiana celebró en 2012 la fase nacional.


Buscar