Noticias

  • Corma, Davis y Stucky falen na Facultá de Química sobre'l desenvolvimientu de los nuevos materiales

    22 de Ochobre 2014

    Alumnos ya investigadores atarraquitaron l'Aula Julio Rodríguez pa escuchar les intervenciones de los galardonaos col Príncipe d'Asturies d'Investigación Científica y Técnica

    Colinas, Stucky, Davis, Corma y Gotor a la so llegada a l'Aula Julio Rodríguez.

    L'Aula Julio Rodríguez de la Facultá de Química quedó pequeña pa recibir a los galardonaos col Premiu Príncipe d'Investigación Científica y Técnica, Avelino Corma, Mark Y. Davis y Galen D. Stucky. Estudiantes ya investigadores  enllenaron la clase pa escuchar a los trés científicos, qu'esplicaron les aportaciones más significatives del so llabor investigador.

    El rector de la Universidá d'Uviéu, Vicente Gotor, recibió y dio la bienvenida a los premiaos xuntu al decanu de la Facultá de Química, José Manuel Fernández Colinas. El vicedecano de la Facultá, José Manuel Costa actuó como maestru de ceremonies y foi l'encargáu de presentar a los galardonaos.

    Los trés científicos centraron les sos intervenciones na esplicación de les últimes novedaes nel desenvolvimientu de los materiales microporosos y mesoporosos y les sos aplicaciones, un campu que-yos valió'l reconocencia del prestixosu galardón que concede la Fundación Príncipe d'Asturies.

    En rematando'l so alcuentru colos alumnos y profesores de la facultá Corma, Davis y Stucky, acompañaos del equipu decanal, roblaron nel llibru d'honor de la Facultá y recibieron un detalle d'alcordanza del so pasu pola Universidá d'Uviéu qu'incluyía una caricatura de cada unu d'ellos. 

    Imaxes:


Buscar