Noticias

  • La Universidá d'Uviéu, el Gobiernu del Principáu y el CSIC suscriben un conveniu de collaboración

    04 de Payares 2013

    Los trés instituciones apuesten por impulsar l'actividá del Centru mistu d'Investigación en Nanomateriales y Nanotecnología

    El rector (derecha), el presidente del Principáu y el presidente del CSIC, tres la firma del conveniu

    La Universidá d'Uviéu, el Gobiernu del Principáu y el CSIC suscribieron un conveniu p'actualizar la regulación del Centru d'Investigación en Nanomateriales y Nanotecnología (CINN). El centru mistu, xestionáu poles trés instituciones, ta especializáu nel desenvolvimientu de nuevos materiales y apocayá inauguró nel conceyu de Samartín del Rei Aurelio un nuevu equipu de desenvolvimientu industrial pa la fabricación de materiales nanoestructurados multifuncionales, denominaos ‘ultra materiales'.

    L'alcuerdu supon, en palabres del rector, Vicente Gotor, la renovación d'una alianza qu'empezó fai yá seis año, "ya implica daqué bien importante nestos tiempos de retayos: qu'en materia d'investigación inda somos capaces de mirar palantre", sorrayó. "Nestos momentos ye más importante que nunca sumar y xunir –destacó'l rector tantu recursos como personal cualificáu; ye la meyor forma d'ampliar la nuesa competitividá".

    El presidente del Gobiernu asturianu, Javier Fernández, reafitó'l so compromisu col financiamientu d'esti centru y de les actividaes d'investigación, y citó el plan de ciencia aprobáu pol Gobiernu asturianu pa los años 2013-2017, con una previsión de gastu de 1.288 millones d'euros.

    Pela so parte, el presidente del Conseyu Cimeru d'Investigaciones Científiques, Emilio Lora, indicó que "munches industries" yá amosaron interés pola actividá del centru "bien amestada a la industria, especialmente cola inauguración va un mes del equipu de sinterización que yá atraxo l'atención de munches industries". Pal CSIC esti centru mistu hai simultaneado una calidá d'escepcional na investigación a nivel local, internacional y nacional con una actividá de dimensión horizontal, que dexa faer incidir los nuevos materiales basaos nes estructures nanométricas en munchos campos de la ciencia, la tecnoloxía y l'industria.


Buscar