Noticias

  • El Conseyu de Gobiernu de la Universidá d'Uviéu aprueba los plazos de matrícula pal cursu 2012-13

    18 de Xunu 2012

    La reserva de plaza p'alumnos de 1º n'estudios con llende de plaza empecipia'l 25 de xunu y la matrícula pa los Graos ensin llende de plaza va dir del 12 de xunetu al 24 d'agostu

    El Conseyu de Gobiernu de la Universidá d'Uviéu aprobó los plazos de reserva de plaza y matrícula pa cursar estudios de Graos nel cursu 2012-2013. Nel casu de los estudios que tienen llende de places, el periodu pa solicitar plaza va ser del 25 de xunu al 3 de xunetu. La primera de les llistes d'almitíos va faese pública ente'l 12 de xunetu.

    Los alumnos que vaigan empecipiar estudios ensin llende de places van tener de plazu pa matriculase del 12 de xunetu al 24 d'agostu.

    El plazu de matriculación pa los alumnos de 2º y cursos posteriores tamién se va estender del 12 de xunetu al 24 d'agostu.

    Nel casu de los estudiantes que tengan que matriculase nos cursos d'adaptación pa diplomaos o inxenieros técnicos los plazos de matrícula van dir dende'l 3 de setiembre hasta'l 10 de setiembre.

    Documentos Rellacionaos:


Buscar