Noticias

  • Comunicáu de la CRUE sobre les propuestes pa la reforma universitaria

    05 de Marzu 2013

    La Conferencia de Rectores valora positivamente la creación d'una comisión mista Gobierno-Universidá alcordada na xunta d'ayeri del Conseyu d'Universidaes

    Tres la xunta del Conseyu d'Universidaes, celebrada'l día 4 de marzu, la CRUE deseya manifestar el so compromisu cola permanente meyora del Sistema Universitariu Español, col fin de contribuyir de forma más amplia y eficaz al progresu y bienestar de la sociedá española.

    El Conseyu d'Universidaes foi informáu, ente otres cuestiones de réxime ordinariu, del documentu "Propuestes pa la reforma y meyora de la calidá y eficiencia del sistema universitariu español", ellaboráu por una comisión d'espertos designada pol Ministru d'Educación, Cultura y Deporte, D. José Ignacio Wert. Al respective, la CRUE realizó una valoración inicial na qu'identificó delles propuestes operatives, al pie de otres de aplicabilidad dudosa, tantu dende'l puntu de vista xurídicu como financieru. El Conseyu d'Universidaes alcordó l'estudiu de dichu informe, amás d'otros disponibles, en relación con propuestes de meyora del Sistema Universitariu Español, col fin de definir les posibles llínees de reforma.

    Pa ello, constituyóse una comisión mista, Gobierno-Universidaes, que la so creación la CRUE valora positivamente, con participación de representantes de los ministerios con responsabilidá política y económica nel ámbitu de les universidaes ya investigación, lo mesmo que de la mesma CRUE.

    Esti trabayu d'analís conxuntu ten de ser compatible cola necesaria introducción, per parte del Gobiernu, de los cambeos lexislativos inmediatos que dexen superar lo que güei significa un afuego del funcionamientu de la Universidá. La CRUE ta especialmente esmolecida pola actual situación económica de la totalidá de les Universidaes, según pol caltenimientu estructural de les severes restricciones normatives introducíes nes polítiques de personal y pol posible perxuiciu de la igualdá d'oportunidaes nel accesu a los estudios universitarios.


Buscar