Noticias

  • La Universidá d'Uviéu apurre los premios INVENTA 2011

    11 de Mayu 2011

    Una ventena de moces reciben un galardón polos sos proyectu pa facilitar la vida de les persones con discapacidá

    La Escuela Politécnica d'Inxeniería de Xixón de la Universidá d'Uviéu fixo entrega de los Premios INVENTA 2011, un certame de Diseñu y Discapacidá que reconoz proyectos ellaboraos polos alumnos que pretenden ameyorar el día ente día de les persones con discapacidá. L'actu tuvo presidíu pol rector, Vicente Gotor, y cuntó cola presencia de l'alcaldesa de Xixón, Paz Fernández Felgueroso; el viceconseyeru de Bienestar Social y Vivienda, Ángel González Álvarez; el conceyal d'Avilés, Román Álvarez y representantes d'empreses ya instituciones patrocinadores de los galardones, amás de el promotores del certame: el profesores Javier Suárez Quirós y Ramón Gallego Santos.

    Esta séptima edición cuntó cola presentación de 80 proyectos. Como novedá, anguaño instáurase un premiu especial, financiáu pola Conseyería de Bienestar Social y Vivienda, dotáu con 1.000 euros pa un proyectu conxuntu ente alumnos d'Inxeniería y de la Escuela Cimera d'Arte d'Asturies.

    Llista de galardonaos



    • Premio Idees en Metal p'Andrea Suárez Sánchez y Hugo López Uría, pol proyectu Adap-TABLE, un inventu diseñáu pa persones que carecen dismetría.

    • COITIPA pa Daniel Fernández Alonso, cola propuesta Asistente de ducha, un mecanismu mecánicu pa persones con movilidá amenorgada.

    • TRICICLU, Diseñu y Xestión pa Pelayo Bernardo Álvarez, por GeoPaths, un sistema por geolocalización que dexa a invidentes circular per rutes urbanes.

    • COCEMFE pa Pedro Solís Picatto, Fernando Rodríguez de Luis y Sonia Álvarez Sánchez pola propuesta Aqua-free, una siella de ruedes pa persones con discapacidá motriz.

    • EOLO ANUEVA pa Mariana Suárez Reciu y Juan José Martínez Martínez, col inventu O-BaG, un bolsu acoplable a les ruedes de les sielles de ruedes.
    • Parque Científicu Tecnolóxicu de Xixón pa José Jaime Padial Novoa y María Gallardo Martínez por Reminder, un dispositivu p'ayudar a les persones que pierden capacidaes pa recordar.

    • SOCINSER pa Román Rodríguez Pérez por King's Eye, un tableru d'axedrez bien especial pa xugadores invidentes.

    • EDIMAR pa José Ramón Álvarez Becerril, pol proyectu Looksound, un sistema visual pa sollertar de señales acústiques en carretera al conductor con discapacidá auditiva.

    • APSA pa Sergio Sotu Cabero, Patricia Suárez Cuervu y Mirian García García por Vasu pa persones Invidentes'.

    • CAJASTUR para Patriciu Escayu Palanco, por Puntu d'información y xestión interactivo', una plataforma qu'ufierta servicios públicos rellacionaos cola información n'aeropuertos, caxeros, etc.

    • Centro Estudios A. TORAL pa Helena Gómez Rodríguez y María Martínez Cacheiro, pol proyectu Shake, un xuguete sexual pa persones con dalguna discapacidá.

    • IKEA pa Mª Belén de la Cai Martínez pol rediseño de la botella clásica de vidriu con un agarre más ergonómicu.

    • Conceyu d'Avilés pa Eduardo Costa Romero, Eunice Concepción Miranda y Daniel Ponte, por Flexómetro, una cinta métrica qu'inclúi relieves en Braille.

    • Autoridá Portuaria de Xixón pa María Martínez Cacheiro y Javier de la Cruz Blanco, por Bliss, un dispositivu electrónicu p'ameyorar la relación de les persones con autismu o problemes de comunicación.

    • SHORTES pa Verónica García Díaz, por Guardabarros llimpiador, adaptable a toles sielles de ruedes.

    • VIR, Soluciones en cartón pa Mirian García García pola propuesta ‘Esfruta la fruta', un xuguete qu'inclúi testures y testos en Braille.

    • Escuela Cimera d'Arte del Principáu d'Asturies pa Mariana Suárez Reciu y Juan José Martínez Martínez, por Climb-3r, una siella de ruedes pensada pal monte y los caminos difíciles.

    • Escuela Politécnica Industrial de Xixón pa Cristian Rodrigo Bustelo y Daniel Pérez García por Mechanical chair, una siella de ruedes colgada d'un rail que dexa la movilidá pola casa.

    • Conseyería de Bienestar Social y Vivienda pa Jesús Antonio Ávila Burgueño y Sarai Allende Rodríguez pol proyectu ‘Momentum', un exoesqueleto empobináu a persones con discapacidá física que nun pueden mover les sos estremidaes inferiores.

Buscar