Noticias

  • Beques de collaboración pa relaciones internacionales y servicios universitarios del Programa Tandem

    31 de Mayu 2012

    Abiertes a estudiantes matriculaos na Universidá d'Uviéu, el plazu pa solicitárlas remata'l 12 de xunu

    Queden menos de dos selmanes pa que terminen los plazos de solicitú de les seis beques de collaboración pa relaciones internacionales y les trés convocaes pa desenvolver servicios universitarios del Programa Tandem.

    Nel primer casu, los beneficiarios tendríen que desenvolver xeres de collaboración na recepción d'estudiantes internacionales, sofitándo-yos nos sos trámites alministrativos y adaptación a la Universidá. Respectu al Programa Tandem, los llabores encamentaos consistiríen en facilitar sofitu y siguimientu a les pareyes d'estudiantes arreyaos nesa modalidá d'aprendizaxe d'idiomes.

    Dambes convocatories tán abiertes hasta'l 12 de xunu, pa estudiantes matriculaos en cualesquier de los estudios conducentes al llogru de títulos oficiales en centros de la Universidá d'Uviéu, que cumplan los requisitos que pueden consultase nes bases axuntes.


Buscar