Noticias

  • Arrinquen el miércoles les III Xornaes Internacionales de Campus Virtuales

    24 de Xineru 2012

    Van celebrase ente los díes 25 y 26 de xineru nel Edificiu Históricu de la Universidá d'Uviéu.

    Les posibilidaes educatives del e-learning en múltiples formes van ser oxetu d'analís y alderique nes III Xornaes Internacionales de Campus Virtuales que'l próximu miércoles, 25 de xineru, van empecipiar nel Edificiu Históricu de la Universidá.

    Mientres los dos díes de celebración de les xornaes van intervenir conferenciantes de primera llínea de los ámbitos académico y profesional. Coles mesmes, en tres sesiones paraleles van presentase 58 trabayos sobre les esperiencies ya investigaciones más relevantes del panorama nacional en materia de campus virtuales y recursos TIC na formación.

    Trátase en definitiva de presentar "l'estáu del arte" de los campus virtuales españoles ya internacionales, una ferramienta tecnolóxico que gran parte de les instituciones d'enseñanza cimera incorporen yá a la docencia.

    Les xornaes van ser continuación de les celebraes en Tenerife (2009) y Granada (2010). Coles mesmes, van constituyir una manera d'estrechar los llazos de cooperación interinstitucional y abrir nueves oportunidaes pa la movilidá virtual, l'afitamientu de redes de cooperación y la internacionalización que favorecen los campus virtuales. Van ser retresmitíes online, vía streaming, pa quienes optaren por inscribise nesa modalidá.

    Enllaces Rellacionaos:


Buscar