Noticias

  • Analís interdisciplinar de la violencia de xéneru nes III Xornaes sobre Xéneru y Diversidá

    08 de Febreru 2012

    Abiertu'l periodu d'inscripción pa esti alcuentru, entamáu polos Másteres Xéneru y Diversidá y Erasmus Mundus Gemma, que se va celebrar los díes 15 y 16 de marzu nel Campus del Milán.

    Presentar de manera clara y rigorosa les conocencies actuales sobre violencia de xéneru: esa ye l'aspiración de les III Xornaes sobre Genéro y Diversidá que se van celebrar los díes 15 y 16 de marzu nel Salón d'Actos de la Biblioteca d'Humanidaes del Campus del Milán (Uviéu).

    Dirixíu poles profesores María Ángeles Alcedo y Yolanda Fontanil, esti alcuentru va averase a la violencia de xéneru dende un enfoque global y interdisciplinar, al traviés d'un programa qu'inclúi dende conferencies plenaries hasta alderiques, paneles, meses redondes, según el visionado de películes y performances.

    Amás de cuntar con especialistes n'estudios de xéneru y de les muyeres, procedentes de variaes árees de conocencia, van intervenir tamién profesionales d'otros campos que van poder ufiertar una visión complementaria dende l'aguada práctica. Tou ello va dexar conocer meyor, tantu la diversidá de la mesma violencia de xéneru como de les actuaciones puestes en marcha pa tratar d'esaniciala.

    Documentos Rellacionaos:

    Enllaces Rellacionaos:


Buscar