Noticias

  • América Llatina y África, destinos de les práctiques pa estudiantes en cooperación al desenvolvimientu

    10 de Marzu 2011

    El plazu d'inscripción pa participar nos proyectos remata'l 16 de marzu.

    Nicaragua, Colombia, Bolivia y Camerún son los países de destín de los ocho proyectos qu'integren la convocatoria d'anguaño de les práctiques de cooperación pa estudiantes de la Universidá d'Uviéu. Los proyectos van dende la ellaboración de metodoloxíes de trabayu hasta la realización d'estudios de campu, el trabayu directu cola población, desenvolvimientu de llabores educativos, acompañamientu a víctimes, orientación familiar…

    La convocatoria ta abierta a un ampliu abanicu de titulaciones: Alministración y Dirección d'Empreses, Ciencies del Trabayu, Economía, Ciencies Empresariales, Relaciones Llaborales, I.T. Forestal, Bioloxía, Filosofía, Hestoria, Xeografía, Psicoloxía, Trabayu Social, Educación Social, Maxisteriu, Pedagoxía, Llogopedia, Terapia Ocupacional, Enfermería, Fisioterapia, Odontoloxía, Filoloxía Francesa y Filoloxía Inglesa.

    Los estudiantes que participen nos proyectos van beneficiar d'una cobertoria económica completa y de la reconocencia académica per parte de la Universidá. Esta iniciativa ta xestionada pol Vicerrectorado de Internacionalización y Cooperación al Desenvolvimientu.


Buscar