Noticias

  • Alumnes del Galileo Galilei ganen la fase nacional del concursu Incubadora de Sondeos y Esperimentos con un trabayu sobre la percepción sensorial

    06 de Xunetu 2016

    El Departamentu d'Estadística ya Investigación Operativa y Didáctica de la Matemática de la Universidá d'Uviéu va acoyer la celebración del certame estatal en xunu de 2017

    Alumnas del Instituto Galileo Galilei.
    Un equipu d'alumnes del Institutu Galileo Galilei de Navia consiguió'l primer premiu de la so categoría, pa estudiantes de terceru y cuartu de la ESO, na fase nacional del concursu Incubadora de Sondeos y Esperimentos, qu'entama la Sociedá Española d'Estadística ya Investigación Operativa (SEIO), en collaboración con instituciones autonómiques, ente elles, la Universidá d'Uviéu.
     
    El trabayu d'estes alumnes, que resultó ganador xuntu al defendíu por un equipu canariu, llevaba por títulu Sabor a la primer vista y esquizaba sobre la percepción sensorial. Les estudiantes del Galileo Galilei -- Lucía López Blanco, Nuria Pérez García y Ángela Pertierra Fernández-Campoamor-- allegaben a la fase nacional, que se celebró a finales de xunu en Badayoz, tres imponese na autonómica, desenvuelta na Universidá d'Uviéu.
     
    La Sociedá Española d'Estadística ya Investigación Operativa y el organizadores de les distintes fases rexonales alcordaron tamién mientres l'alcuentru n'Estremadura que'l Departamentu d'Estadística ya Investigación Operativa y Didáctica de la Matemática de la Universidá d'Uviéu acueya la organización de la séptima fase nacional del concursu que se va celebrar a finales de xunu de 2017. El certame valora trabayos d'estadística realizaos por alumnos d'Educación Secundaria Obligatoria (ESO), Bachilleratu y ciclos formativos de Grau Mediu. 

    Enllaces Rellacionaos:


Buscar