Noticias

  • Abiertu'l plazu pa la presentación de trabayos a los Premios Nacionales d'Investigación en Medicina del Deporte

    06 de Xunu 2012

    La Escuela de Medicina de la Educación Física y del Deporte de la Universidá d'Uviéu convoca estos galardones, que cunten col patrociniu de Cajastur

    Una reconocencia pública pa investigadores españoles qu'acometan iniciatives d'excelencia nel ámbitu de la Medicina del Deporte y sustanciosos premios en metálicu. Los Premios Nacionales d'Investigación en Medicina del Deporte lleguen a la so XV edición col mesmu oxetivu fitu na so primer convocatoria: incentivar la investigación nesti campu.

    El plazu pa la presentación de trabayos va permanecer abiertu hasta'l 30 de noviembre. Tendrán de ser inéditos y tratar sobre cualquier tema rellacionada cola Medicina del Deporte, salú, exerciciu físicu o meyora del rendimientu de los deportistes.

    El xuráu va tener en cuenta, ente otros aspeutos, l'esfuerzu científicu, la calidá y l'impactu de la investigación, la so contribución a la xeneración, desenvolvimientu o aplicación de les conocencies nel campu de la Medicina Deportiva, según l'establecimientu de pontes ente investigación básica y aplicada en beneficiu de los pacientes.

    Prevese la concesión de tres premios: un primer galardón de 6.000 euros, un segundu de 3.000 y un terceru de 1.500 euros, cada unu cola so correspondiente certificación. Los trabayos premiaos van poder ser publicaos llibremente cola condición de que se faiga constar que llograron el galardón.

    Documentos Rellacionaos:


Buscar