Noticias

  • Abiertu hasta'l 11 de mayu'l plazu pa enrolarse na Universidá Itinerante de la Mar

    19 de Abril 2011

    La travesía a bordu del buque-escuela Creoula, prevista p'agostu, va derromper agües atlántiques y mediterránees.

    Buque escuela Creoula
    La Universidá d'Uviéu, al traviés del CeCodet (Centru de Cooperación y Desenvolvimientu Territorial) abrió, hasta'l 11 de mayu, el plazu de preinscripción pal cursu de mar de la campaña 2011 de la Universidá Itinerante de la Mar. Una vegada rematáu, una comisión designada al efeuto va realizar un procesu de selección. Va constituyise un llistáu d'alumnos suplentes, debidamente jerarquizado, al efeuto de sustitución en casu del eventual arrenunciu de dalgún de los escoyíos.

    Esti proyectu académicu destináu a un centenar de participantes de les universidaes d'Uviéu, Porto y de la Escola Naval de Lisboa consiste nun periplu de 20 díes (5 a 24 d'agostu), con itinerariu Aviles-Lisboa-Ceuta-Mahón-Cartaxena-Cádiz, qu'inclúi 300 hores de saléu a bordu del buque-escuela Creoula. La campaña d'anguaño lleva por títulu "El Mediterráneu, la conexón de tres mundos. Un bicentenariu y munchos desafíos comunes".

    El proyectu formativu denomináu Universidá Itinerante de la Mar, ye una plataforma de cooperación ibérica de calter interdisciplinar pa la formación, espardimientu ya investigación de calter universitariu sobre asuntos de la mar y aprovechando el so saléu formar a los participantes na lóxica de proyectu.

    Enllaces Rellacionaos:


Buscar