Noticias

  • Abiertu'l plazu pa solicitar ayudes pa los cursos Tándem d'Alemán

    30 de Marzu 2012

    Hasta'l 18 d'abril podrá solicitase una de les 60 ayudes.

    La Universidá d'Uviéu caltien abiertu'l plazu pa la solicitú de les ayudes pa los cursos Tándem d'Alemán, correspondientes al periodu 2011-2012. Nesta ocasión convoquen un total de 60 ayudes, 30 pa realizar el cursu en Bochum y otres 30 pa siguilo n'Uviéu.

    Ta previstu que los cursos se celebren ente'l 1 y el 17 d'agostu, n'Alemaña, y ente'l 22 d'agostu y el 7 de setiembre, n'Asturies.

    El cursu Tándem d'Alemán pon a disposición del alumnáu y otres persones de la comunidá universitaria un mediu pa perfeccionar la so conocencia del idioma alemán, al traviés d'un conveniu de cooperación suscritu cola Universidá del Ruhr de Bochum (Alemaña).

    Anque empobinaos al alumnáu de la Universidá d'Uviéu, preferentemente a estudiantes Erasmus o con beca de conveniu de cooperación d'idioma alemán, los cursos tán abiertos a tola comunidá universitaria.

    Enllaces Rellacionaos:


Buscar