Noticias

  • Abiertu'l plazu de preinscripción pa los aprobaos na PAU de xunetu

    26 de Xunetu 2011

    Namá pa los estudios de Llogopedia, Maestru d'Infantil y Maestru de Primaria.

    Del 26 al 29 de xunetu podrán realizase preinscripciones nos estudios de Grau en Llogopedia, Grau en Maestru n'Educación Infantil y Grau en Maestru n'Educación Primaria, per parte del alumnáu que superara la PAU en xunetu.

    El Vicerrectorado d'Estudiantes y Empléu pon en marcha esta nueva fase de preinscripciones faciendo constar que nun implica necesariamente la esistencia de places vacantes; ello ye que queden bien poques places disponibles nos estudios citaos. "La decisión tómase previendo que, cuidao que nestos casos les llistes d'espera tán yá bien allixeraes, los deslizamientos que s'asocedan d'equí a setiembre puedan xenerar vacantes", informen dende'l Vicerrectorado.

    Los estudiantes que se preinscriban agora van pasar a engrosar la llista d'espera de cada estudiu de siguío de los preinscritos tres la PAU de xunu; seríen almitíos en socesivos llamamientos, a midida que quedaren places llibres. La primer llista al respective va publicase el próximu 2 d'agostu.

    Nel restu d'estudios ensin llende de places, la matrícula permanez abierta hasta'l 9 de setiembre, pa tolos estudiantes.

    Documentos Rellacionaos:

    Enllaces Rellacionaos:


Buscar