Noticias

  • Abierta la matrícula p'alumnos qu'apuerten a un grau ensin llende d'almisión o sigan los sos estudios

    30 de Xunu 2015

    Los estudiantes que deseyen cursar graos con almisión directa (ensin solicitú de plaza) o sigan estudios yá empecipiaos van poder realizar los trámites on line hasta'l 21 d'agostu

    La matrícula n'estudios ensin llende de places realízase al traviés de l'aplicación informática que s'activa pa esti fin y a la que puede aportase dende esta páxina, utilizando'l nome d'usuariu y la contraseña que se-y facilitaren al futuru alumnu nel momentu de la so matrícula na prueba d'accesu.

    La Universidá d'Uviéu abrió'l 1 de xunetu'l plazu pa matriculase en primer cursu d'estudios de grau ensin llende d'almisión, esto ye, pa los mozos qu'apuerten per primer vegada a la Universidá, y pa siguir estudios yá empecipiaos tantu en grau como n'antiguos planes d'estudiu. El plazu va rematar el 21 d'agostu a les 14:00 hores y tolos trámites pueden realizase online.

    Matrícula n'estudios de grau ensin llende d'almisión y siguir estudios de grau yá empecipiaos

    Matrícula de segundu y posteriores cursos de Diplomaturas, Llicenciatures ya Inxenieríes

    La matrícula n'estudios ensin llende de places realízase al traviés de l'aplicación informática que s'activa pa esti fin y a la que puede aportase dende esta páxina, utilizando'l nome d'usuariu y la contraseña que se-y facilitaren al futuru alumnu nel momentu de la so matrícula na prueba d'accesu. A los graos ensin llende de places tamién apuerten directamente los alumnos que tean en posesión d'un títulu de técnicu cimeru de Formación Profesional, técnicu cimeru d'artes plástiques y diseñu, o técnicu deportivu superior.

    La Universidá d'Uviéu cunta con 51 graos afechos al Espaciu Européu d'Educación Cimera. La ufierta académica inclúi amás, graos billingües, que s'imparten en centros de los campus d'Uviéu, Xixón y Mieres, y dobles graos, en Matemátiques y Física; en Derechu y Alministración y Dirección d'Empreses; y n'Inxeniería Civil ya Inxeniería de los Recursos Mineru y Enerxéticu.


Buscar