Noticias

  • 3.855 alumnos asturianos de Secundaria son anguaño los primeros d'España en realizar la PAU

    02 de Xunu 2011

    Les sedes de la Universidá d'Uviéu acueyen les pruebes hasta'l vienres, 3 de xunu.

    Exames PAU 2011 nel Campus de Mieres
    N'Asturies, 3.855 alumnos presentanse a les Pruebes d'Accesu a la Universidá, que se desenvuelven dende'l miércoles, 1 de xunu, hasta'l vienres, día 3. L'añu pasáu optaron a la selectividá 3.791 estudiantes. Les pruebes d'accesu de setiembre treslladáronse a los próximos díes 5, 6 y 7 de xunetu.

    La nueva PAU respuende a la estructura educativa de la Secundaria y na prueba cobra mayor importancia'l perfil del alumnu, sobremanera si quier cursar estudios con llende de places.

    Los exames se estructuran en dos fases: una parte Xeneral-Obligatoria, que valora'l maduror y maña del estudiante p'aportar a la Universidá, y que non caduca. La otra, Específica-Voluntaria, evalúa conocencies y la capacidá de razonamientu n'ámbitos disciplinares rellacionaos colos estudios que pretenden cursase y dexa ameyorar la nota de la parte xeneral. Nesta última prueba, tomen en considerancia les materies superaes y les sos calificaciones namá son válides pa dos cursos.

    La Universidá preparó sedes pa la realización de les pruebes n'Uviéu, Xixón, Avilés, Mieres, Ribesella, Cangas y Tapia de Casariego.

    Imaxes:

    Enllaces Rellacionaos:


Buscar