Noticias

  • 111 alumnos participen nos Campus Científicos de Branu na Universidá d'Uviéu

    02 de Xunetu 2012

    El Campus d'Excelencia Internacional collabora nel programa impulsáu pola FECYT al pie de otres 15 universidaes españoles

    Imaxe del alumnáu de los Campus Científicos de Branu.

    La Universidá d'Uviéu inaugura güei la edición de Campus Científicos 2012 na que van participar un total de 111 estudiantes de 4º de la ESO y 1º de Bachilleratu procedentes de 16 comunidaes autónomes. El Campus d'Excelencia Internacional collabora per segundu añu consecutivu cola iniciativa impulsada dende'l Ministeriu d'Educación, Cultura y Deporte y la Fundación Española pa la Ciencia y la Tecnoloxía, FECYT, cola collaboración d'Obra Social La Caixa.

    El Rector de la Universidá d'Uviéu, Vicente Gotor, foi l'encargáu d'inaugurar esta nueva edición de los Campus Científicos acompañáu pola directora xeneral d'Universidaes ya Investigación del Principáu d'Asturies, Miriam Cueto, nun actu na Aula Magna del Edificiu Históricu.

    La escepcional respuesta collechada polos Campus Científicos de Branu la pasada edición fixo que'l númberu de places habilitaes n'Asturies casi se doble al respective de los 60 estudiantes que participaron en 2011. La convocatoria d'anguaño habilitó un total de 1.800 places en toa España pa les que se recibieron 7.421 solicitúes.

    Los Campus Científicos de Branu pretenden espertar vocaciones científiques tempranes ente los estudiantes qu'entá nun llegaron a les aules universitaries. Un total de 16 Campus d'Excelencia Internacional, d'otres tantes universidaes españoles, participen anguaño nel proyectu coordináu por FECYT.

    Los mozos van estremar en cuatro grupos y cada unu d'ellos va pasar una selmana na Universidá d'Uviéu realizando diverses actividaes que los van averar de distinta manera al quefer diariu de el investigadores.

    La Oficina de Tresferencia de Resultancies de la Investigación (OTRI), del Vicerrectorado d'Investigación y Campus d'Excelencia, foi la encargada d'ellaborar y coordinar un programa nel que les actividaes práctiques busquen que los chavales realicen los sos propios esperimentos pa comprobar de primera esquito la dimensión aplicada de la ciencia. Van Participar en cuatro proyectos:

    • Twitter Xeolóxicu.
    • Bases Científiques de les Investigaciones Criminalístiques.
    • La Inxeniería Electrónica na Vida Cotidiana.
    • El Llinguaxe de les Célules.

    A lo llargo de la selmana los participantes van tener la oportunidá de ver, por casu, cómo se monta una estación sismográfica, cómo s'apliquen ciertes técniques científiques d'investigación criminalística, aprender a identificar piedres precioses o ver de cerca'l papel de la electrónica na vida cotidiana.

    Imaxes:


Buscar